D

Dear, D.

Musta? In fairness noh, we have come a long way. Let's just say na kasama na kita like age 0 pa lang ako. Although hindi pa kita nadidiscover nun, alam kong andun ka na. Nafifeel ko na ang presence mo. Lakas mo sa akin eh. Haha. Anyway, I hope you are doing well. Ako? Okay naman ako. Pero katulad ng pagkakaintindi ko sa kung ano ang meron tayo, ikaw talaga ang makakapagsabi kung ano ang disposition na gusto ko for the next day. Sabihin na natin na umiikot ang mundo ko sayo. Naks di ba. Mushy kung mushy. Plain truth lang.

Anyway, aaminin ko, may mga times na parang hindi kita pinapansin. Mas lalo na pag may ibang tao. Alam mo naman, ayoko mabuko na iniisip pa rin kita or tinatanong kung ano ang gusto kong mangyari sa buhay. We have that fucked -up/love-hate relationship. Pero ganun talaga. Hindi naman pwedeng 24/7 kasama kita. Nakakapagod rin at times.

Alam mo naman siguro ang mga sinasabi ng tao about you. Na kesyo let go kita, think positively, maghanap ng pagkakaabalahan, blah blah. Na kesyo you consume me daw. Masisira buhay ko sayo or worst, mawawalan ako ng buhay. Hindi ko alam bakit, pero bumabalik balik ako sayo. Especially pag magisa na lang ako. Tinry ko naman di ba? Pero at least ngayon, dahil sa mga iba't ibang usap, medyo alam na natin ang dapat gawin sa relationship natin.

Masaya ako na andyan ka. Kasi to tell you honestly, isa ka sa malaking percent kung sino ako at kung bakit ako ganito. Alam mo na, parang you honed me to become who I am. Mga ganyan. So papasalamatan na kita. Thank you at kahit maraming times nasasaktan ako sayo, andyan ka. Thank you at kahit may mga gabing parang gusto ko manapak ng tao, andyan ka. Salamat at may pinaghuhugutan akong deep dark secret na 'tayo'. Salamat at ikaw ang pinakamahabang relationship na meron ako.

Yun lang. Gusto lang kita batiin ngayon. Happy birthday sayo. 

-M

Normal broadcasting bukas - nyabach0i